طريقة عمل النوجا الطريه بالمنزل
المقادير :
كوب وربع سكر
نصف كوب جلوكوز
بياض بيضه
ربع معلقة صغيرة فانيليا
مكسرات حسب الرغبة ممكن سوداني او لوز او فستق
نصف كوب سكر بودرة
نصف كوب نشا
الطريقه :
نضع السكر وعسل والجلوكوز في حله على نار هاديه جدا حتى يذوب السكر تماما مع التقليب ونسيبه حوالي ربع ساعة حتي يغلي خدي نقطه وحطيها على الرخامه لو متماسكة يبقى كده تمام عايزينها توصل لمرحلة الكوره الصلبه ونشيله من علي النار
نحط رشة ملح على بياض البيضة ونحط الفانيليا ونضربها بالمضرب الكهربائي حتي يجمد الخليط ويصبح كالثلج نحط معلقة سكر ونضرب حتي يصبح زي المارنج ننزل بالشربات التقيل الساخن سرسوب مع الضرب هتلاقى الخليط بيتقل معاكي وبيمط وبيبقي كريمي وجميل وتقيل
حطي المكسرات وقلبي
اخلطي السكر البودره مع النشا
صبي الخليط فى صينيه افردي فيها ورقة فويل او ورقة زبدة وادهنيها زيت علشان تسهل عليكي رفع النوجا وصبي الخليط وحاولي تساويه وحطي ورقة فويل تانيه من فوق مدهونة زيت من فوق وحاولي تبطتيها وساويها سبيها شويه تتماسك وبعدين قطعيها وتلفيها في ورق سلوفان او بلاستيك المطبخ علشان نحافظ عليها وما تنشفش
حطي عليها من خليط النشا والسكر وانتي بتقطعيها هتساعدك في التقطيع
وبألف هنا
