أكلة في دقيقتين.. كفتة داوود باشا

تعتبر هذه الأكلة من الأكلات سريعة التحضير وتتميز أيضا بمذاق رائع وإليكم طريقة إعدادها بشكل سريع على النحو التالي:

المقادير:

 نص كيلو طماطم 

 ٤ معلقة كبيرة صلصة طماطم

 ١ بصله كبيره

 ٢ فص ثوم

 ١ معلقة صغيرة ملح

 ١ معلقة صغيرة فلفل اسود مطحون

 نص كيلو لحمه مفرومه 

 نص معلقة صغيرة كمون 

 كسبره خضره مقطعه

الخطوات :

_______

هنبشر بصلة وحباية طماطم ونضيفهم على اللحمة المفرومة..هنضيف معلقة صغيرة ملح ونصف معلقة صغيرة فلفل اسود ونصف معلقة كمون على اللحمة المفرومة.هنضيف الكسبرة الخضراء ومعلقة كبيرة بقسماط ناعم ونعجن الخليط كويس.هنكور اللحمة المفرومة لكرات صغيرة الحجم.فى طاسة هنقلب كرات اللحم مع معلقتين كبار زيت لحد ما تحمر وتتماسك وهنصفيها من الزيت ونسيبها على جنب.هنقطع الطماطم ونضربهم فى الخلاط مع نصف كوب ماء و 4 معالق صلصة طماطم ونسيبهم على جنب.فى حلة هنبشر بصلة وفصين ثوم مع معلقتين زيت ونقلبهم لحد ما يتحولوا للون الذهبى الفاتح.هنضيف عصير الطماطم على البصل والثوم مع نصف معلقة الملح و معلقة فلفل ونقلبهم على النار لحد ما الصلصة تتماسك.بعد ما الصلصلة تغلى هنضيف كرات اللحم ونغطى الحلة وتترك على نار متوسطة لمدة 15 دقيقة ونقدمها مع رز ابيض او نعملها سندوتشات.