ننشر لكم طريقة عمل المكرونة البشاميل

المقادير

½ كيلو مكرونه

½ كيلو لحم مفروم (30% دهون)

2 بصله

قرن فلفل 

4 أكواب لبن

4 معالق كبار زيت 

4 معالق كبار دقيق

2 قطع جبنه مثلثات (جبنه كيري)

موتزريلا (حسب الرغبه)

بيضه 

معلقه صغيره فلفل اسود

معلقه صغيره سبع بهارات

رشه جوز الطيب 

ملح (حسب الرغبه)

طريقه التحضير

سلق المكرونه

في حله علي النار فيه ماء مغلي ومعلقه زيت وملح ننزل بالمكرونه تتسلق ثم نخرجه نصفيه ونضيف عليه كبشه بشاميل من اللي هنعمله .

(لحم المتعسج)

في حله علي النار ننزل باللحم المفروم ثم ننزل بالبصل والفلفل المتقطعين ناعم ياخد لون ننزل بالتوابل ( ملح وفلفل وسبع بهارات وجوز الطيب ) مش هنحط زيت اللحم فيه دهون.

طريقه البشاميل 

في حله علي النار فيه 4 معالق زيت نتركه يسخن ثم ننزل بالدقيق مع التقليب لمده ربع دقيقه ثم ننزل باللبن الساخن مع التقليب المستمر ثم ننزل بالجبن الكيري والملح وفلفل يتقل القوام ونطفي عليه.

ثم نضيف طبقه مكرونه ثم نضيف طبقه لحم مفروم ثم نضيف بطبقه مكرونه ورشه جبنه موتزريلا ونضيف اخر طبقه وهي البشاميل ثم نضيف بيض علي الوش او موتزريلا وندخله الفرن تاخد لون ذهبي ونخرجها .