أنا مســـافـر و واخــد غربتـي مشــــوار
أنا مســـافـر و واخــد غربتـي مشــــوار
أنا مســـافـر و فـايت عــــزوتي و الـدار
أنا ضاقت حـاجـات بيا أنا مــاتـت سـنيـن فيـا
أنا أيــــامي مـش هيـه أنا أحــلامي جمــرة نار
إلهـي ربـي ما يوريـــك تقضـي العمــــــر بتعـــافر
و تتغـرب عن اللي ليك دا حضن الغربة شيئ كافر
أنا مســـافـر
وداع الأهــل سكُينتـي و خطـــوة سكّـتـي مُـــره
ونظرة خوف فعين بنتي بتـــدبـح فيـا 100 مــره
ما انـا اللي هغيـب و انا اللي مفـارق الاحباب
و انـا اللي هسيـب لكن و الله انا المتسـاب
لدنيـا بعيده وخداني أعيشها غريب و وحـداني
و انا والليل وأحزاني علينا هيتقفــل 100 بـاب
أنــام و كأنـي بتشاهد و ثــورة خــوف بـداريهـا
و ٱه في الحلق بتعاند تــرازي فـيـا و ارازيهـــــا
واقوم والفكـر ليل ونهار
ساقيني من عمايله مرار
وما يحسش بلســع النار غير اللي اتكــــوى بيـهــا
أنا المهمــوم و شايل فـوق كتاف القلب 100شيله
أنا المحـروم من اللمـه و من الضمــه و من العيــله
و مهما الوش يبقـى بشـوش
دمـــوع القلب ما بيهـــدوش
أنااللي اتباع عشان مامعوش وفاكرين دنيته جميله
إلهـي ربـي ما يوريـــك تقضـي العمــــــر بتعـــافر
و تتغـرب عن اللي ليك دا حضن الغربة شيئ كافر
أنا مســـافـر
