طريقه عمل الدوريتوس في البيت

المقادير 

كوب دقيق متعدد الاستعمالات

كوب دقيق ذره اصفر

2 معلقه كبيره زيت

نص كوب ماء + 2 معلقه كبيره او حسب احتياج العجينه لنصل للقوام المطلوب

نص معلقه صغيره ملح

ربع معلقه صغيره كركم

ربع معلقه صغيره بابريكا

الطريقه :

هننزل بكل المواد الجافه و نخلطهم كويس و بعدين ابدا انزل بالميه شويه شويه لحد لما يبقي معايا عجينه متماسكه و مفيهاش اي تشققات و مش طريه ولا ناشفه و اسبها ترتاح من ١٥ ل ٣٠ دقيقه و بعدين هنعملها بطريقتين تسويه اول واحده ناخد نص العجينه و نفردها بسمك رفيع على قد ما نقدر عشان كل لما تبقي ارفع كل لما يدينا قرمشه اكتر و نقطعها بقطاعه مدوره او طبق و ناخد دايره دايره كده و نجيب طاسه على نار اقل من المتوسطه و متبقاش سخنه تاخد لون و اقلبها الناحيه تانيه و تبقي كده تمام مش عايزنها تاخد لون جامد زي عيش التورتيلا كده و احط في فوطه مطبخ عشان مينشفوش و بعدين اقطعهم مثلثات كبيره او صغيره الحجم اللي تحبوه و نجيب طاسه فيها زيت على نار وسط و انزل بالدوريتوس و اقلب لحد لما تاخد لون دهبي فاتح اول لما تطلع ننزل عليها بالبهارات انا حطيت جبنه اللي هي بتاعه سبرنكل دي و بابريكا و شطه و في طريقه تانيه نفرد العجينه الباقيه و بقطعها خطوط بالطول و بعدين اقطعها مثلثات الحجم اللي تحبوه و بعمل فيها كام فاتحه بسيطه كده عشان متتنفخش و برضو نعملها رفيعه خالص و بعدين برضو اخد مثلث مثلث و احطهم في زيت وسط لحد لما تاخد لون دهبي و انزل عليهم بالبهارات اللي نحبها وبس كده يبقى طعمه تحفة، وبألف هنا.