صحيت من نومي ما لقتكيش

صحيت من نومي .... ما لقتكيش 

ومطلوب ... بعد منك ...... اعيش

طب الأيــــــــــام .... تعـــدي إزاي 

و هيه ... كئيبـه ..... ما بتمشيش

صحيت ..... و لقيتنـي وحـــداني 

ما انا بعــــدك ......... مليش تاني 

غريب ..... و الحــــــــزن ســواني 

بيدبحنـي ... لكن .... بشــويــش

صحيت من نومي .... ما لقتكيش

يارتني ... ما ثانيه ... يوم سيبتك 

ياريتني .. شبعت ..... من طيبتك

لا انا قـــــــادر ....... على غيبتــك 

و لا عـارف ........ ما توحشينيش

صحيت من نومي .... ما لقتكيش

صحيت ويارتني انا ... ماصحيت 

و لا شوفتك ........ مفارقه البيت

أنا ضهــــري انكســــر .... و بقيت 

من اللي انا فيه ..... ما بشبهنيش

صحيت من نومي .... ما لقتكيش

يا واهبـه .. العمــر ...... من حبلك

ياريت ... كان يومي انا ..... قبلك

و اروح .... ع الجنه ..... و اقابلك

أنا ... الدنيـــــا ...... ما تلزمنيـش

صحيت من نومي .... ما لقتكيش