طاجن مسقعة باللحمة المفرومة

المقادير:
ربع لحمة مفرومة 
بصل مقطع 
باذنجان مقلى او مشوي في الفرن وعليه رشة زيت
فلفل رومى مقطع  
توم مفروم 
طماطم متقطعه 
كوب عصير طماطم 
 ملح وفلفل وكمون 
الطريقة 
شوّحي البصل في الزيت لغاية ما لونه يصفرّ
 ضيفي عليه الفلفل الرومي، وقلّبيهم مع بعض شوية.
بعد كده ضيفي اللحمة المفرومة، واستمري في التقليب لغاية ما اللحمة يبقى لونها بني، وبعدين ضيفي عليها الملح والفلفل والبهارات،
 قطّعي الباذنجان شرائح، ورشي عليه شوية ملح وسيبيه شوية، وبعد كده حمّريه في زيت غزير. او ادهنيه زيت خفيف وفي صينية في الفرن ياخد لون 
رصي نصف كمية الباذنجان في طاجن أو صينية، وبعد كده حطي عليها اللحمة المفرومة ووزّعيها ، وبعدين ضيفي باقي كمية الباذنجان. وحطي على وش الطاجن شرايح فلفل  وطماطم(حسب الرغبه)
 شوّحي الثوم مع ملعقة زبدة أو زيت في حلة على النار لغاية ما يبقى لونه دهبي،
 و ضيفي عليه صلصة الطماطم وسيبيها تتسبّك على نار هادية، وضيفى الملح والفلفل،
 ضيفي الصلصة على الباذنجان، ودخّلي الطاجن في الفرن على درجة حرارة متوسطة لمدة  نصف ساعة
ويقدم مع الخبز والسلطة خضرا ومخلل او رز بشعرية