بسكوت المصانع بس بيتي ناعم وهش

2 كوب دقيق

كوب نشا للقرمشه 

 كوب زبدة أو زيت 

كوب كبير سكر بودر 

كيس فانيليا مع ذره ملح 

نص كوب لبن أو ماء ممكن يزيد أو ينقص 

 بيضه كامله معلقه كبيره بيكنج بودر

الطريقة 

في بوله نضيف الزيت او الزبده مع السكر ونضربهم بمضرب كهرباء أو بالمضرب اليدوي  

بعد الضرب كويس هنضيف البيض مع الفانيليا ونضرب كويس 

وبعد كدا هننزل بالدقيق منخول جيدا مع رشة الملح والبيكنج بودر 

والنشا ونقلبهم كويس وانزلي باللبن واحده واحده لحد ما العجينه تلم معاكي وتكون متماسكه كده وتعرفي تفرديها وتقطعيها 

وبعد كدا عايزه تقسمي الكميه بالنص لو حابه تعملي جزء بالكاكاو حسب رغبتك طبعاً حطي معلقه كبيره كاكاو مع ملعقة زيت وتعجينها كويس أوي 

وتفردي بالنشابه وتقطعيه بالقطاعه المشرشره بالشكل المطلوب حسب رغبتك إذا ساده أو بالكاكاو

وتخرميه بالشوكة او الخرامة عشان مينفش منك

وتسويه في الرف اللي في النصف علي درجه حراره 180

بياخد من 8 دقائق الي 10علي بالكتير حسب الفرن