أحلى من بتاع المحلات.. طريقة عمل الكشري بكل تكاته
الطريقة والمقادير
ربع كيلو عدس بجبة
مكرونه اسباجتي+مكرونه مقصوصه
كوب ارز
كوب شعريه
4 بصلات كبار
2 ملعقة كبيرة نشا
خل
زيت لتحمير البصل
كوب حمص الشام
*مقادير صلصة الكشرى
2 كوب كبير عصير طماطم بيور
ملعقتين كبار صلصه طماطم بيور
حبيه فلفل احمر الوان
2 ملعقة ثوم مفروم فريش
ملح وفلفل اسود وكمون وشطة
ملعقتين زيت
معلقه صغيره سكر
*مقادير دقة الثوم
2 ملعقة كبيرة ثوم فريش
ربع كوب خل
ملعقه كمون
ملح
وكسبرة ناشفة
ربع كوب ماء الحمص
*مقادير صلصه الشطه الحااااااار
معلقتين كبار قرون فلفل احمر او شطه
معلقتين كبار زيت
معلقتين كبارصلصه الكشري
العيش
عيش شامي
معلقتين زيت التخمير
معلقه صغيره ملح
معلقه صغيره كمون
الطريقة
نغسل العدس ابو جبة كويس ونضعه في حلة ونغطيه بالماء ونسلقه على نار متوسطة ثم نصفيه من الماء ويترك جانبا
فى حلة تاني ننزل بالحمص المنقوع ليله كامله ونغطيه بالماءونرفعه على النار حتى تمام النضج نصفيه من الماء ونحتفظ بماء الحمص
نجي بقي للمكرونه نسلقها عادي خالص زي اي مكرونه ونصفيها من الماء ونقلبها بمعلقتين زيت علشان تبقي مفلفله
البصل نقطعه شرائح متوسطة وده اول تركيه نقلبه بمعلقتين النشا ومعلقتين الخل ونسيه امده عشر دقائق ونحمره في زيت غزير سخن واول مايحمر نشيله على مناديل ورقيه لحد البصل كله مايخلض ونفرده في سرفيس علشان يبقي مقرمش
وناخد شويه زيت اللي حمرنا فيه البصل ونحمر الشعريه لحد ما يكون لونها ذهبى نضع عليها الارز المغسول بعد تصفيته من الماء ونضع ماء معيار الارز والملح ونقلبه ونسيبه يتشرب وبعد ما يتشرب نهدى النار لحد ما يستوى ولما يستوى نطفى النار
*طريقة صلصة الكشرى
على النار نضع الزيت والثوم ونحمره لما يبقى لونه ذهبى ننزل بصلصه الطماطم وعصير الطماطم والملح والفلفل والكمون والشطة والكزبرة ورشه سكر واول وشويه بصل من اللي حمرنها ما تغلى نهدى النار ونسيبها تتسبك مش قادره اقوالكم على ريحه الصلصة
دقة الكشري
حله على النار وننزل بالتوم الفريش وربع كوب الخل
ومعلقة الكمون والملح ونضيف ربع كوب ماء الحمص ونقلب ونسيبه على النار لمده خمس دقائق وكده احلى دقة كشري
العيش
نقطعه ونحمره في الزيت ونطلعه نرش عليه الملح والكمون
صلصة الشطه الحااااااار
بناخد معلقتين زيت اللي حمرنا فيه البصل ونحمر الشطه
وننزل عليها بمعلقتين صلصة الكشرى وكده عندنا احسن شطه نااااار
نبدأ نحضر ونجمع طبق الكشرى ننزل بالارز بالشعرية وبعدين المكرونه وبعدين بالعدس بجبه ثم الصلصة ثم الحمص واخر حاجة على الوجه البصل ونرص العيش على حروف طبق الكشري
ونضع دقة الكشري طبق جانبى وصلصة فى طبق جانبى والعيش والبصل اللي بيسمه بتاع الكشري الورد وصلصة الشطه الحااااااار وبالهنا والشفا
