سر كفته الحاتي

الكفته بتتفرم مرتين عشان تكون ناعمه مش مخرزه ومتفكش من علي السيخ
كميه الدهون تكون في المعقول متكتريش اوي كويس اوي لما تكون١٥٠/٢٠٠ جرام دهون بالكتير ويكون دهن ليه
بنبشر بصلايه وطماطمايه ونعصرهم وناخد الميه دي مع رشه ملح وفلفل وجوزه الطيب ونبل أيدينا من الخلطه دي واحنا بنصبع الكفته 
توابل الكفته ملح وفلفل جوزه الطيب وكوبيبه صيني بس مفيش اي اضافات تانيه لا بصل ولا توم
واحنا بنشوي لازم يكون الفحم صفي ميكونش مشعلل ومدخن
السيخ يكون علي بعد ١٠سم من الفحم
بعدما نشتغل بالسيخ ما نرجعش نصبع عليه كفته وهوا سخن عشان هتقع وتفك لازم ابرده بميه ساقعه الاول وبعدين اشتغل عليه من تاني 
قبل ما اصبع الكفته لازم اكون سايبها في تلاجه مده كبيره بحيث تكون بارده جدا شبه متلجه عشان لاتكش ولا تفك