احذري منها واوعى تشتريها ٠٠ فراخ بنصف الثمن تثير ضجة عبر السوشيال ميديا

حذر الدكتور أحمد حمدي الشبح، مدير إدارة المجازر والتفتيش على اللحوم، من شراء الفراخ التي تباع في الشارع والأسواق و أحيانا على مواقع التواصل الأجتماعي.
كتب أحمد حمدي عبر حسابه الرسمي على موقع التواصل الأجتماعي الفيسبوك:"أن انتشرت في الفترات الأخيرة ظاهرةبياعين في الشارع والاسواق  ( واحياناً بنلاقيهم  بيعلنو عن نفسهم ع الفيس بوك)  بيبيعوا  فراخ بأقل من نصف ثمنها عند الفرارجي
ولو لاحظت كده انه بيبيعها بالفرخة مش بالكيلو يعني يقولك الفرخة ب 25 مثلا."
وتابع:"ولو دققت أكتر هتلاقي أوزان الفراخ دي مش بتتعدى الكيلو وربع وتلاقيها كده هزيلة في معظم الأحيان…لا وكمان البياع سكينته فيإيده بحيث تشتري الفرخة يدبحهالك فوري وأنت واقف وده طبعاً لأنك احتمال كبير إنك لو أخدتها حية وعلى بال ماتوصل بيتك تكون ماتتفي إيدك…أيوه ماتت لأنها فراخ بتكون مريضة في معظم الأحيان أو معيوبة وصاحب المزرعة بيتخلص منها بأنه يبيعها للتجار دول وللأسفبعض المطاعم اللي معندهمش ضمير."
وأضاف الدكتور أحمد حمدي في منشوره:"دي بقى اسمها الفراخ السردة…يعني ايه فراخ سردة  ؟!.
دي عبارة عن فراخ تسمين عمرها عدي 30 يوم مثلا وأكلت كل العلف المناسب ليها، بس حجمها فضل قليل في حدود كيلو وربع ….طب ليهالفرخة توصل لمرحلة السردة ؟!ده ليه كذا سبب من أهمهم :
مشكلة في التحضين او في الفرشة او في مساحة التحضين والتعليف ومشاكل التهوية والحرارة
وده بيسبب فرخة مناعتها ضعيفة وهزيلة ومعرضة للأمراض وممكن تكون مصابة بالفعل  وفي الحالة دي أصحاب المزارع بيتجهوا لبيعهالتجار السردة  واللي بيعمل نفسه بتاع الراجل الفقير لأنه بيبيعها بنص التمن."
٠