سمعت صوتك يانبى «احتفالا بمولد الحبيب»

سمعت صوتك يانبى
فارد جناحه ف السما
نزلت دموعى وبللت
جلابيه بيضا من الحرم
قلبى أنخطف
لما رأيتك ف المنام
واقف إمام
بتقول بصـوت
كل الكرام
قل هو الله أحد
جسمى أتنفض
مع هـزة الكلمه ف كيانى
رحت متوضى وواقف
جــوه صف من الصلا
لقيت دموع المأمومين
بتناجى رحمة ربنـا
اغفر لنا ياذا الكرم
ببركـة الهادى الأمــين
كل القلوب
طارت وخرجت م الضلوع
عملت سحابه من الحنين
فوق الرسول
أبو فاطــمه
والغـالى إبراهيـم
بصيت لقيت
قلبى بينده للنـــبى
شرف شفايفى
ببوس إيديك
وأشفعلى يا أطهر نبـــى