كيف أحمى إبنى من التحرش؟
أكتر حاجة ممكن نحمى بيها ولادنا من التحــرش إننا نكون معاهم دايمًا بالوعى والحوار والتربية الصح.
وده شوية أفكار نقدر نبدأ بيهم:
1. علم ابنك يقول لأ
علمه إن جسمه ملكه ولو حد لمسه بشكل يضايقه، من حقه يقول لا بصوت عالي ويجرى فورًا.
2. افتح باب الكلام
خلي ابنك يعرف إنه يقدر يحكيلك أى حاجة من غير خوف أو عقاب. الأمان النفسى بيخلى الطفل يحكى وميكتمش.
3. استخدم القصص والأمثلة
احكى له قصص فيها مواقف مشابهة بشكل مبسط، علشان يعرف يتصرف لو اتعرض لحاجة غريبة.
4. علمه الحدود الشخصية
يفهم إن محدش ليه يلمس جسمه وإن فى مناطق خاصة محدش يقرب منها غير الأب والأم لو فى ضرورة (زى النظافة أو العلاج).
5. راقب علاقاته
اعرف دايمًا هو بيقضى وقته مع مين سواء فى المدرسة أو النادي أو حتى أونلاين.
6. تابع سلوكه
أى تغير مفاجئ فى نفسية الطفل أو تصرفاته ممكن يكون وراه سبب.. متغفلش الإشارات.
وعلشان نحميهم لازم نكون أول خط أمان ليهم.
وعلشان نعدّهم، لازم نعلمهم يحموا أنفسهم.
ابدأ النهارده .. بكلمة توعيه ممكن تنقذ روح
