يوم 30 يونيو
عدت الايام ودارت
ولفت السنين واحتارت
ف المصريين وقالت
شعب ملهوش حل
شاف الهوان والمر
من قتل وخيانه وذل
بعد ليل طويل
طلع النهار واتحل
بكلمه وحده ارحل
ياجبان ياخاين الكل
وثار الشعب يوم الحد
٣٠ يونيو كان الرد
طلعوا المصريين الايد ف الايد
والوحده رمز اكيد
ع اتفاق جديد
ي نرجع بلدنا
يانموت بالتأكيد
طلعنا بالملايين
فوق الكبارى والميادين
والشوارع رافعين
إعلامنا ثايرين
تحيا مصر
ونفديكى بالدم والبنين
وانا شفت بعنيا
يوم ٢٥ كنت ف العباسيه
ويوم ٢٨ كنت ف التحرير
ويوم الموعود تلاتين
كنت ف طهطا بلدى الجميل
رافعين العلم وشايلين
الكفن ع الايدين
ونجحت ثورة التلاتين
برب العباد
وإرادة المصريين
وقام جيشنا العظيم
علشان يحمى المتظاهرين
بامر القائد الأمين
الفريق السيسى
اللى. شال كفنه ع ايديه
علشان مصر والمصريين
تحيه للإعلام اللى صحى النايمين
تحيه لكل من شارك
ف النصر العظيم
تحيه للجيش والشرطه اللى
حافظوا ع مصر من التقسيم
تحيه لابنك الزعيم
عبد الفتاح السيسى
رئيسنا الحكيم
ورافع رايتنا
ف العلالى يامصريين
وكل سنه وانتم طيبين
