" جدو " يعلق على تصريحات أحمد سليمان : الكورة فى الزمالك بتكسب كام ؟!
علق" محمد ناجى جدو" المدرب العام لنادى بيراميدز ، على تصريحات أحمد سليمان عضو مجلس إدارة نادى الزمالك بالأمس.
وكتب المدرب العام لنادى بيراميدز عبر صفحته الشخصية على موقع التواصل الاجتماعى إكس، رداً على أحمد سليمان قائلاً : " الكابتن احمد سليمان طلع امبارح و هاجم بيراميدز و أندية الشركات قال علامات استفهام على بيراميدز عشان مش بيدوهم لاعيبة و انهم بيشتروا لاعيبه وأنهم بيصرفوا كتير و بيدخلهم فلوس قليله و مش بيسيبوا لاعيبة تحترف !!!!
اولاً بيراميدز أداهم عمر جابر و دونجا و عبدالله السعيد و هما دلوقتي احسن لاعيبه في الزمالك و هل لو بيراميدز كلم الزمالك انهم عايزين زيزو مثلا الزمالك هيوافق ؟ و ماسيبتش زيزو يحترف ليه ؟!
ثانيا طبيعي ان بيراميدز يشتري لاعيبه و يقوي القايمة زي كل الفرق
ثالثا ممكن تقولنا يا كابتن احمد الزمالك بيصرف كام و بيدخله كام و هل بيكسبوا فلوس من الكوره اكيد لا. الزمالك دفع اكتر من مليار جنيه غرامات بس !! ف ممكن تقولنا الكوره في الزمالك بتكسب كام !!
رابعا من أول المجلس نجح في الانتخابات و كل لقاء تليفزيوني من اول الرئيس لأصغر عضو بيتكلم عن رمضان و عايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني و تعاقدوا ساري لمده ٣ سنوات !!
