الرئيس السيسي: أنا بعمل اللي محدش يفكر فيه

تحدث الرئيس عبدالفتاح السيسي، عن جهوده في توفير البيئة المواتية التي تساهم في تحقيق النجاح.

وقال خلال افتتاح مركز البيانات والحوسبة السحابية الحكومية، اليوم الأحد: «أنا بعمل اللي محدش يفكر فيه.. لو كنت مشيت على المسار اللي كان قبل 2018 مكنتش أعرف أنفذ المشروعات (المعلوماتية).. كنت هجيب مليارات الدولارات دي منين».

وتابع: «لما بنعمل المشروعات دي كتير من الناس ممكن يقولوا ملهاش لازمة.. هو إنتوا مش عاوزين إننا نحلم لبلدنا إنها تاخد مكان يليق بها وتكون لها إمكانيات لنمو حقيقي».

واستكمل: «فيه دور أنا أعمله وفيه دور إحنا هنعمله.. ربنا شرّفني وعزّني وأكرمني ودايما بيراضني بالكلام اللي نفكر فيه وبعدها يساعدنا نعمله.. لكن إنتو؟.. إنتو متلومونيش أنا بس.. أنا ألومكم إنتو كمان معايا».

ومركز البيانات والحوسبة السحابية (P1) أول مركز يقدم خدمات (تحليل ومعالجة البيانات الضخمة - الذكاء الاصطناعي) فى مصـر وشمال أفريقيا طبقًا لأحدث التقنيات العالمية، باشتراك أكثر من 15 شركة محلية / عالمية، وأكثر من 1200 مهندس / عامل، أكثر من 5000 ساعة عمل.

ويعمل المركز على تقديم التطبيقات الحرجة والمدفوعات والتطبيقات المرتبطة بالذكاء الاصطناعي وتحليل البيانات الضخمة لصناعة القرار على كافة المستويات بالإضافة إلى عمله كبديل نشط لمـركز البيانات الحكومية بالعاصمة الإدارية، واستخدام تكنولوجيا الحوسبة السحابية والذكاء الاصطناعي والبيانات الضخمة فى تحليل البيانات الحكومية، كما يعمل كمـركز وطنى موحد لبيانات التعافي من الكوارث، وتوطين استخدام تكنولوجيا الذكاء الاصطناعي فى القطاع الحكومي، وتوفير كافة البيانات الدقيقة والموقوتة للجهات الحكومية.