طريقه عمل الرقاق الطري الفلاحي

المكوّنات
2 كوب دقيق
ذرة ملح
ملعقة صغيرة سكر
ملعقة صغيرة سمن بلدى
لبن رايب للعجن
الخطوات
الخطوة 1
حطى كله عل بعضه فى العجانة
الخطوة 2
وضيفى اللبن الرايب لحد ماتلم معاكى العجيمة
الخطوة 3
حطيها فى طبق بلاستيكي ترتاح لمدة نصف ساعةوغطيها بفوطة نظيفة
الخطوة 4
كوريها لكور صغير لو انتي عايزة الرقاق صغير لو عايزة كبير اعملى الكور كبيرة
الخطوة 5
افرديها لما تبقي اسمك من ورق السيجار عل سطح مرشوش دقيق
الخطوة 6
سخني طاسة تيفال كبيرة وخلى جمبك قماشة مبلولة
الخطوة 7
حطى واحدة من اللى فردتيهم عليها وأول ماتلاقيها اتحركت احمرت بسيط اقلبيها خلي بالك مش بتاخد وقت خالص
الخطوة 8
الحتة المبلولة عشان ب كل رقاقتين بتحطيهم ف الطاسة تمسح بيها عشان بتكون سخنة قوى
الخطوة 9
واحنا مش عايزين الرقاق يتلسع مننا
الخطوة 10
حطيه ف كيس عشان يفضل طرى