الكحك علي اصوله بالسمنه البلدي المقدوحة
5:52pm 27/02/24
الكحك علي اصوله بالسمنه البلدي المقدوحة
مرفت رضوان
المكونات
كيلو دقيق
نص كيلو سمنه بلدي
معلقه كبيرة خميرة
معلقه كبيرة سكر
نص كوب مايه دافيهمعلقه كبيرة سمسم
معلقة صغيرة ريحه كحك
رشه ملح خفيفه
الطريقة
اول حاجه هنختبر الخميره مع السكر في نص كوب مايه دافيه ونسبها على جنب
هنجيب الدقيق ونحط عليه السمسم وريحه الكحك ورشه الملح
بعد كده هنجيب السمنه ونقدحها علي النار كويس
هنحط السمنه المقدوحه علي الدقيق ونقلب بمعلقه خشب علشان السمنه بتبقي سخنه جدا وبعدين نبس الدقيق بالسمنه كويس اوي مده متقلش عن ١٠ دقايق وبعدين نضيف الخميره ونلم العجينه
ونسبها ترتاح ربع ساعة
بعد كده هنشكل الكحك واحنا بنشكل الكحك هنغطي العجينه علشان مش تنشف
وبعدين نسبها تخمر تاني ونبدا نسوي علي درجة حرارة ١٧٠ رف اوسط
لو لاقينا العجينه نشفت بناخد كل قطعه ونكورها بايدنا كويس بترجع طريه تاني
