بربع كيلو دقيق 10 قرص بالقرفه والسكر

المقادير
ربع كيلو دقيق
معلقه صغيره خميره
معلقة ونص سكر
5معالق زيت
رشة ملح
هنخلط المكونات الجافه وننزل بالزيت ونعجن بميه دافيه اخد مني دقيق الضحي نص كبايه مايه وزودت معلقتين تاني
هتعجني كويسه لحد ما تنعم معاكي هتسبيها ترتاح ربع ساعه وبعدها هتقطعيها 10 كور 
الحشو ٤ معالق سكر
معلقة كبيره قرفه
معلقة ممسوحه دقيق تخلطهم
نفرد الكور ع الايد وتحشيها وتقفليها كويس
نحضر سمسم ومعلقه صغيره عسل اسود مع شويه ميه صغيره وتنزلي الكوره في العسل تطلعيها علي السمسم وترصيها في صاج مدهون زيت العسل الاسود هيخلي السمسم يلزق ومش هيفك خالص تسيبيها ربع ساعه وترجعي تضغطي عليها 
نسيبها ترتاح ساعه عشان الجو برد بس انا بشغل الفرن بتاعي ٣ دقايق علي ٢٠٠ يسخن  وبطفيه  وبحط الصاج يخمر من ربع ل تلت ساعه بس 
تدخليها علي الرف العلوي للفرن علي درجه حراره ٢٢٠ هتاخد ١٠ دقايق بالظبط وتطفي عليها