الليمون المعصفر لشهر رمضان بطريقة حلوة

المكونات

 ليمون 

فلفل حامى

عصفر

حبة البركة

ملح

سكر

فلفل الوان احمرخل

ماء سلق الليمون

الطريقة

️ اول حاجة هنغسل اللمون كويس جدا وهنعمل فيه فتحة من فوق على شكل ✖️ ونكون حاطين مية تغلى على النا ر اول ما تبدأ فى الغليان هننزل باللمون يادوب غلوتين ونشيله هنصفيه من مية السلق بتاعته وننقعه فى مية من الحنفية لمدة يوم كامل 24 ساعة ونغير المية عليه 3 او 4 مرات .. ونحتفظ بماء السلق منرميهاش

تانى يوم بقى هنحط 4 قرون فلفل حامى مع قرن فلفل الوان احمر ومعلقتين كبار خل فى الكبة ونفرمهم 

وبعدين نقلب على الخلطة دى العصفر وحبة البركة .. هناخد بقى جزء من مية سلق اللمون ونحط فيه شوية من الخلطة ومعلقة سكر صغيرة ودى بتخلى اللمون يفضل محافظ على قرمشته وميتهريش وكمان بتدى طعم حلو جدا مع نص كوباية ملح (كل كوباية مية بتاخد معلقة كبيرة ملح وبنزود معلقة ملح اضافية) هنركن بقى المية دى بعد ما نكون دوبنا الملح كويس

ونبدأ نحشى اللمون بخلطة الفلفل والعصفر  

بعد ما نخلص الحشو هنحط مع اللمون فلفل حامى لو حابين ونقلبهم مع بعض وهنحط اللمون والفلفل فى برطمان نضيف وناشف 

وننزل عليه بالمية اللى جهزناها ولازم اللمون يكون متغطى بالمية 

اخر حاجة بقى هنجيب كيس من بتوع التلاجة ونحطه على البرطمان من فوق ونغطى بغطا البرطمان ونقفله كويس جدا ونفتح عليه بعد اسبوع .. وبألف هنا وشفا