الزبادي البيتي بمكونين اتنين متماسك و لذيذ

من كيلو حليب هتعملي من ١٢ الي ١٥ علبه صغيرة من الزبادي أحلي من الجاهز و اوفر كتيير 
بدون ماكينه زبادي وبمكونين فقط  بخطوه واحده بس اعملي احلي زبادي للفطار و العشا 
المقادير:
كيلو حليب 
علبه زبادي صغيرة يساوي ٢ ملعقة كبيرة 
الطريقة::
في وعاء على نار متوسطةنغلي اللبن ثم يترك ليبرد  يبقي حوالي ٤٠ درجة مثل دمعة العين كده
يضاف علبة الزبادي الي كوب من  الحليب الدافي و نقلب جيدا جدا حتي تذوب اي تكتلات ثم يضاف علي باقي الحليب و نقلب
يصب الخليط في أكواب مناسبة ثم توضع الاكواب في صينية بها ماء مغلي حتي نصف الأكواب 
نسخن الفرن لمدة ٥ دقائق و نطفيه ثم توضع فيه صينية أكواب الزبادي و تترك لتاني يوم او لمدة ٧ ساعات و هتاكلي أحلي زبادي 
لو تحبي الزبادي بطعم الفراولة او اي طعم ممكن إضافي ملعقة كبيرة من مسحوق الآيس كريم الجاهز بيدي طعم زبادي الفراولة الجاهز