الكوردون بلو فى خطوات بسيطه

المقادير:

فيليه فراخ بنضعه بين كيسين وندقهم بالنشابة دق خفيف عشان يتفرد وسمكه يقل أو نقول للي هنشتري منه اننا عاوزينها للكوردن بلو وهو هيفردهالنا.

كوب زبادي مع معلقة مايونيز ومعلقة صغيرة ثوم مفروم.

معلقة زعتر ناشف مطحون.

معلقة بصل بودر.

ملح وفلفل اسود.

بهارات فراخ (اختياري).

طريقة التحضير:

- نتبل صدور الفراخ لمدة ساعتين ونطلعها نصفيها ونشيل من عليها التتبيلة الزيادة لسهولة حشوها ولفها.

الحشوة:

- روز بيف او و سلامي مدخن مع جبن شيدر او جودا ومن الأفضل نحط شريحة الروز بيف على شريحة الجبن ونلفهم كويس ونحشي بيهم الصدور.

- نلف الفراخ كويس ونقفلها بخلة أسنان او نلفها كويس باستريتش.

- نضعها في الفريزر لمدة نصف ساعة تتشمع وتمسك نفسها

وبعدين ناخدها على دقيق وبعدين بيض مخفوق مع معلقة حليب وبعدها كورن فليكس مطحون أو بقسماط مطحون.

- نقليها في زيت سخن غزير لحد ما تاخد لون ذهبي جميل ونطلعها على مناديل مطبخ تتصفى كويس.