طريقة عمل الكسكسى المصرى
2:40pm 20/12/23
صورة أرشيفية
حنان فيصل
المقادير:
كيلو ونص دقيق
عليهم معلقه صغيره ملح
2 كوب ماء
حتاجين غربال اللى معندهوش ممكن يعمل بالكبه تقريبا نفس النتيجه
مصفاه تدخل جوه حله
حته شاشه
الطريقة :
نرش الماء على الدقيق حبه حبه
ونبسه بالايد
بعد كده نحطه فى الغربال وننزله اللى بينزل هو ده الكسكسى
بعد كده نجيب لحله ونحط فى اقل من نصها ميه
وعليها المصفاه
نحط الكسكسى على الشاشه
ونغطى الكسكسى بالشاش كله
الطبخ:
واول ما الميا تغلى نحط الشاشه على المصفاة
ونغطى الحله ونسيبها 20دقيقه
نكرر اللى عملناه يعنى ننزله من الشاشه ونحطه على الغربال ونكمل الحله ميا لانها طبعا نقصت
ونحطه تانى فى الشاشه ونسيبه 20دقيقه كمان على النار
بعد كده ننزله هيكون جهز
نحطه فى الطبق وعليه حته سمنه فلاحى
حطي شويه سكر واي مكسرات متوفره ويقدم .
طبعا في منه حادق حسب الوصفة
