ياسلام يابوي قصيدة عامية
كل ليلة بفضل صاحي أشكيلك
ألمي ووجعي ، وأنا قلبي حزين
مهما اوصفلك يابوي واحكيلك
عيوني من غيرك مش شايفين
مهما أقول واكتب فيك أشعار
حبك يابوي محتاج دواوين
مش عارف بعدك عايش إزاى
أنا ف الدنيا وإنت تحت الطين ؟
ياسلاااام يابوي على الضحكة
أما كانت تطلع تطرح بساتين
لما كنت تقول يا واد .. أسمعها
تهز كياني بصوت حلو حنين
أحس ساعتها إنك ديما جنبي
لا والله ، أحس معاي ملايين
حتى ف تعبك واقف تضحك
جايب الشدة دي بس منين ؟
عمال تضحك.. ومحبي عليا
مش كان بينا كلام .. وتفانين
تزعق، واتقول ياولد .. تعالوا
إديهم ياد قرشين ، قرشين
كنت إستنى علينا شويه
لما تكبر بسمة، و حسانين
خدتني الدنيا مشبعتش منك
تحتك يابوي أيام ، و سنين
كنت يابوي بحس إنك إني
لما تقولي ،وتوصف وجعي دا فين
بشكيلك همي ياريت تسمعني
عشان الكل .. مبقوش سامعين
أشكيلهم يقولوا وإيه يعتي
غيرك مين هيسمع شكواي مين ؟
بقول ، وكل الناس سامعيني
بحق طه ، والاسراء، وياسين
بعدك عتي ياغالي هيجنني
والهم في بعدك زاد فدادين
