الفايش الصعيدي على أصوله

الاول مقادير الخميره

2ملعقة سمسم ني و1/2كيلو لبن

هانغلي اللبن ونطحن السمسم مش ناعم قوي ونحط اللبن على السمسم فى برطمان زجاج ونقفل عليه ونحط البرطمان فى علبه بلاستيك ونقفل عليه ومحبيه فى المطبخ الخشب أو فرن البوتاجاز لمدة 24ساعه

هانلاقي اللبن فصل عن السمسم نقلب فيه 2معلقة دقيق ونقفل عليه ساعتين او لحد ما يخمر وبعدين هانقلب فيه 1/2كيلو الدقيق ونزود لبن لحد ما تبقى زي عجينه الكيك ونقفل عليه ساعتين كمان هاتخمر كده تمام جدا

مقادير العجينه

7كيلو دقيق

و3كيلو لبن

وكوب سمسم احمر محمص

و1كيلو سمنه بلدي أو نباتي المتاح عندك

3/4كيلو سكر

ومعلقتين كبار كركم

ومحلبة

نصف ملعقة ملح

الطريقه

هانقلب الخميره مع اللبن والسمسم والكركم والمحلبة المطحونة والسمنه والدقيق شويه شويه وان احتاجت العجينه هانزود ميه دافئه وملف العجينه ماتلتيهاش ماتعجنيهاش ونسيبها تخمر ساعه وشكليها أما زي رغيف الفينو الكبير أو القرصه الكبيره و إدهني الصينيه سمن ووش العجين بعد ما يتشكل سمن وسيبيه ساعتين يخمر وعلى الفرن سويه وبعد مايبرد خالص قطعيه شرائح وتأتي يوم حمصيه فى الفرن تانى