الفراخ المشويه على طريقة الحاتي

المقادير 

تتبيلة الفراخ :

بصله

فصين توم

طمطمايه

فلفل أخضر أو حار

معلقة صلصه

معلقة عسل 

معلقة خل

معلقة عصير ليمون

معلقة صويا صوص

معلقتين زيت

التوابل( ملح و فلفل اسود ،زنجبيل ،بابريكا،بهارات فراخ،كاري )

الطريقه :

هنضرب كل المكونات في الخلاط و نتبل بيهاالفراخ و نغطيها و نسيبها ليله كامله في التلاجه .

التسويه :

هنضع الفراخ على شبكه فوق صنيه فيها ميه مع جزء من التتبيله و ندخلها الفرن على الرف اللي في النص على حراره ٢٢٠ و نسيبها تستوي و لو احتاجنا الشوايه نولعها في الاخر عشان تتحمر و نولع فحمه و نطفيها مع الفراخ و نطلعها نقدمها بألف هنا وشفا