مربي البلح باللوز
٣ كيلو بلح سماني
كيلو سكر أو أقل حسب الرغبه
٦ فصوص قرنفل
عود قرفه حسب الرغبه
لوز مقشر ومسلوق
لتر ماء
الطريقه
قشري البلح بالسكين هو متعب شويه بس تستاهل
وناخد البلح غلوه في الماء علي النار ١٠ دقايق علشان يسهل علينا خروج النواه من الداخل
بنزقها باستيك شيش طاووق بتخرج علي طول من ظهر البلحه
هاخد كميه اللوز الموجوده غاليه علي النار ١٠ دقايق واتركيه ١٠ دقايق يهدي وهتخرج القشره علي طول ويكون استوي
هنحشي اللوز داخل البلح ونرجعه في نفس المايه اللي غليناه فيها
اوعوا ترموها
بس بعد ما نضيف السكر والقرنفل وعود القرفه ويختفي السكر بعد ما يبدء الخليط بالغليان
نضيف البلح المحشي في الخليط وعلي نار هاديه لحد ما تبقي كميه السوايل النص وهيبدء اللون يتغير
اطفي النار وسيبيه التاني يوم يهدي ويشرب من العسل دة
تاني يوم نكمل علي النار التسويه لحد ما يبقي اللون بني والعسل بقي اقل واتقل
متسيبهوش كتير علشان بيتقل اوي ويبقي تقيل عليكي في الاكل يبقي الصوص متوسط السماكه علشان تستمتعي بيها
وتوضع في برطمانات معقمه جافه حتي تبرد تماما ثم نغطيها وبالثلاجه
ملحوظه :هذه الوصفه يحذر منها مرضى السكر
