محمود العسيلي ٠٠ أتمنى عمل دويتو مع حودة بندق

كشف الفنان محمود العسيلي عن أمنيته في تقديم دويتو مع نجم من نجوم الراي.

وقال محمود العسيلي في لقاء مع ET بالعربي: ” بحب أعمل دويتو مع ناس مختلفة عشان أقرب من أكبر قدر من الناس، نفسي اشتغل مع أي حد من الراي من شمال إفريقيا يعني الشاب خالد أو الشاب مامي بحب أوي الستايل دا من المزيكا وعمري ما عملته”.

كما تحدث محمود العسيلي عن أغنيته الجديدة “عاملة فيها من Egypt”: “فكرة الأغنية أن الناس بقت بتقول إحنا من Egypt أو إحنا من مصر لازم الفنان يبقى متصل بالمجتمع ويشوف الحاجات اللي بتحصل حتى الناس بتتكلم عن أنها بقت حاجة طبيعية، فكرة الأغنية بنتكلم عن واحدة عامله فيها من Egypt وهي مش منها”.

كما تطرق محمود العسيلي في حديثه عن أغنية “حب الحب” التي قدمها مع حودة بندق لفيلم “شمشون ودليلة”: “حودة بندق جميل وأنا بحبه جدا من زمان كنت بسمعه وهو بيغني وهو صغير بني آدم جميل ومزيكاتي شاطر وبيشتغل على نفسه وبيطور نفسه ومليان موهبة، جاتلنا الفكرة إننا نعمل أغنية أنا أحطه في حتتي وهو يحطني في حتته”