منوعات
ساعة الحقيقة
حجم الخط:
في يوم معين الانسان بيقف مع نفسه وقفة صدق وقفة ما فيهاش تبرير ولا دفاع ولا محاولة يزوق الصورة اكتر من لازم يبص على حياته بعين صريحة ويشوف كل حاجة كان بيهرب منها يشوف القرارات اللي غلط فيها والناس اللي اداهم مساحة اكبر من اللي يستحقوها والفرص اللي ضيعها وهو فاكر انه بيكسب وساعة الحقيقة دي مش سهلة لانها بتعري كل شيء قدامك بتوريك وجعك
اللي كنت بتخبيه وطاقتك اللي استهلكتها في اماكن ما رجعتش منها بحاجة ووقتك اللي ضاع على ناس ما قدروش قيمته وتبدأ تسال نفسك انا ليه كنت ساكت وليه كنت بتحمل وليه كنت بدي كتير من غير ما اخد ومع كل سؤال يطلع جواب يوجع بس يعلم وتفهم انك كنت طيب زيادة وصبور زيادة ومتعلق بحاجات ما كانتش هتنفع تكمل وانك كنت بتمد ايدك لناس ما كانتش عايزة
تشيلك اصلا وساعتها تحس انك محتاج تعيد ترتيب حياتك
تشيل اللي بيقلل منك وتبعد عن اللي بيستهلكك وتقرب من اللي يعرف قيمتك وتدي لنفسك اللي كنت بتديه للغير وساعة الحقيقة دي مش نهاية دي بداية بداية انسان واعي فاهم قيمته واقف على رجليه عارف هو رايح فين ومش مستعد يرجع لنقطة الوجع تاني
لان الحقيقة مهما وجع بتنقذ وبتفتح لك طريق كان لازم تمشي فيه من زمان
