منوعات
ما لم تقله لنفسك
حجم الخط:
في لحظات كتير بتعدي عليك وانت ساكت مش لأنك ما عندكش كلام لكن لأن في حاجات جواك مش عارف تقولها حتى لنفسك كلام تقيل مش عايز تعترف بيه احساس غامض مش قادر تسميه ووجع بتحاول تقنع نفسك انه عادي وهو مش عادي ولا بسيط
وتفضل ماشي في يومك عادي بتتكلم وتضحك وبتعمل اللي عليك لكن في صوت جواك كل شوية يحاول يطلع وانت بتسكته بحجة
الوقت او الظروف او انك لازم تكمل وما تقفش عند كل حاجة بتحصل جواك ومع الوقت الكلام اللي ما اتقالش بيتراكم جواك يتحول لضغط يتحول لتعب مش مفهوم يتحول لاحساس انك مش مرتاح من غير سبب واضح وانت في الحقيقة عارف السبب بس مش عايز تواجهه وتبدأ تلاحظ انك بتتهرب من نفسك اكتر ما بتهرب من الناس بتشغل وقتك باي حاجة علشان ما تقعدش لوحدك
مع افكارك بتخاف من لحظة الصمت اللي ممكن تسمع فيها الحقيقة اللي بتأجلها لكن في لحظة صدق هتيجي غصب عنك لحظة هتضطر فيها تسمع كل حاجة جواك من غير هروب من غير تزييف لحظة تقول فيها لنفسك الحقيقة حتى لو كانت صعبة حتى لو كسرت الصورة اللي كنت راسمها وتكتشف ان المواجهة مش مؤلمة زي ما كنت فاكر قد ما هي مريحة انك اخيرا تفهم نفسك انك تسمي
احساسك انك تعترف بتعبك بدل ما تفضل شايله لوحدك من غير ما تعترف بيه ومع المواجهة تبدأ تتخفف تبدأ تفهم ايه اللي محتاج يتغير وايه اللي لازم يتساب وايه اللي يستحق تكمله وايه لازم تقف عنده وتبدأ تاخد قرارات نابعة من وعي مش من هروب تعرف ان اصعب كلام هو اللي ما بنقولوش لنفسنا وان اول خطوة للراحة هي انك تبطل تهرب من حقيقتك وتسمعها مهما كانت وتتعامل معاها بصدق من غير خوف ولا انكار
