الشاعر راضى على الطهطاوى ١٠٤….عام سعيد

كل عام والكون بخير …. واحنا وانتو وكل غير 

كل عام و الحُب زايد …… نور بلدنا بفرْح قايد 

والمَحبَّة ف كل حِتَّة …. مصر جامع جنبه ديكل عام والكون بخير 

كل عام واحنا ف سلام …. والحظوظ تعزف كلام

عام جديد ع الكون سعيد …. كل خير يكتر يزيد 

نلقى كل قلوبنا فرحة ….. خالية من كل الآلام

كل عام واحنا ف سلام 

كل عام واحنا ف نجاح … والصَّلاح ويَّاه فلاح

كل خير عَم البلاد …… والأمان والحُب زاد

والحظوظ الحلوة تيجي….. نلقى نور الفرْح لاح

كل عام واحنا ف نجاح 

كل عام واحنا ف مَحبَّة….. والقلوب بالحُب شابَّة

الصَّفا للنَّاس يجمَّع ……..نلقى لحن الحُب سمَّع

والسَّعادة نهر جاري….. نلقى منها القلب عبَّى

كل عام واحنا ف محبَّة

كل عام واحنا ف رخاء…. والنَّعيم بيفيض سخاء

البشر لو سود وبيض ….. حُبُّهم للخير يفيض

كلهم عايشين ف دنيا……..بالسَّماحة وبالإخاء 

كل عام واحنا ف رخاء

كل عام ومافيش حروب .. ولا حد فينا يشوف كروب

وحالنا يبقى أحلى حال….. . ولا هَم يشغل لينا بال

 والسَّتر والأرزاق تبارك ….. والبشريات تملا الدُّروب 

كل عام ومافيش حروب

كل عام واحنا ف أمان…. والأمل يطرق بيبان

والفرَج من كل ضيق … والنَّجاح يملا الطريق

ربِّنا يحقق رجانا …….. والهنا ف العين يبان

كل عام واحنا ف أمان

كل عام واحنا ف فرَح …. ولا نلقى يوم حد انجرَح

والصَّلاح ف الكون يسود …… والغريب يرجع يعود 

والمريض يشفى ويطيب ….. و الأمل زهزه طرَح

كل عام واحنا ف فرَح 

….

كل عام واحنا ف سعادة….. والمحبَّة سلوك وعادة

والسُّرور يملا الديار ……. والقلوب تصبح عمار

والرٍّضا ف نفوسنا دايمًا …… والقناعة بخير زيادة

كل عام واحنا ف سعادة

…ر