منوعات
نقطة الصفر
حجم الخط:
في مرحلة معينة تلاقي نفسك رجعت لنقطة شبه البداية لا معاك نفس الحماس القديم ولا نفس الخوف القديم ولا حتى نفس الأحلام وكأن كل حاجة اتفككت واتحطت قدامك من جديد علشان تختار تاني بس المرة دي بوعي أكبر وتعب أكتر وتبدأ تحس إنك فقدت تعريفك القديم لنفسك مش عارف تقول أنت مين دلوقتي ولا رايح لفين ولا حتى إيه اللي بقي مهم بالنسبة لك وكأنك واقف في
مساحة فاضية مستنية تتملأ بس مش بأي حاجة وتسأل نفسك هل الرجوع للصفر ده خسارة ولا فرصة هل اللي ضاع كان لازم يضيع علشان تبدأ صح ولا أنت بس تايه ومش فاهم الصورة كاملة ويمكن الحقيقة تكون في النص بين الاتنين ومع الوقت تفهم إن نقطة الصفر مش فراغ لكنها مساحة نظيفة مساحة ما فيهاش ضغوط قديمة ولا اختيارات مفروضة ولا صور لازم تحافظ عليها مساحة
تقدر تبني فيها نفسك من غير ما تكرر نفس الأخطاء وتدرك إن أصعب حاجة في المرحلة دي مش البداية لكن الصبر على إنك ما تستعجلش النتيجة وإنك تسمح لنفسك تجرب وتغلط وتتعلم من غير ما تحكم على نفسك بسرعة وتلاقي نفسك بتبني بهدوء تختار بعناية وتسيب اللي ما ينفعكش من غير ندم وتقبل إن النسخة الجديدة منك مش لازم تشبه القديمة ولا ترضي حد غيرك تعرف إن
نقطة الصفر مش نهاية طريق لكنها بداية حقيقية وإن كل مرة ترجع فيها للبداية وانت واعي بتبقى أقرب لنفسك وأقرب للحياة اللي تستحقها
