ممر ما حدش يمشيه غيرك

في لحظات معينة تحس إن حياتك كلها ماشية في ممر ما حدش شايفه غيرك ممر مش مستقيم ومش مفروش بالراحة يمكن حتى ما تعرفش هو بيودي على فين لكنك مضطر تكمل فيه لأنك ببساطة ما تقدرش تقف الممر ده مش دايما صعب ساعات يبقى هادي لدرجة تخوفك وساعات يضج بالأسئلة اللي مالهاش إجابة لكن رغم كل ده يفضل ليه بصمة مميزة لأنه طريق انت اللي رسمته

بخطواتك وقراراتك حتى لما افتكرت إنك ما كنتش بتختار

ومع الوقت تدرك إنك اتعلمت من كل تفصيلة فيه من كل باب اتقفل ومن كل فرصة ما مسكتهاش ومن كل حاجة ضاعت كنت فاكر إن نهايتها وجع بس طلعت بدايتها وعي أعلى وفهم أعمق وكل ما تكمل خطوة تلاقي جزء منك كان مكسور بدأ يتلحم وجزء كان تايه بدأ يعرف طريقه وجزء كان خايف بدأ يشوف إن الخوف نفسه ما

يستاهلش كل الهيبة اللي كنت مديها له ولما تبصي وراك تلاقي إن الممر اللي كنت شايفه ضيق كان أوسع مما تتخيل وإن التعب اللي شلته لوحدك كان هو اللي خلاك أقوى وإنك في النهاية ما كنتش محتاج طريق سهل أنت كنت محتاج طريق يخلق منك نسخة ما تعفتش قبل كده إنها تظهر وفي اللحظة اللي توصل فيها لنهاية الممر تفهم الحقيقة اللي كانت مستخبية طول الطريق إن الرحلة ما كانتش عن الوصول الرحلة كلها كانت عنك أنت