مقالات
مساحة نفس بقلم : نشأت البسيوني
حجم الخط:
في وسط الزحمة اللي بنجري فيها كل يوم بننسى إن النفس محتاج مساحة مساحة يتحرك فيها من غير خوف ولا ضغط مساحة يستوعب فيها اللي بيوجع واللي بيبني واللي بيكسر واللي بيقوم مساحة يعيش فيها لحظة براح من غير ما حد يطلب منه يكون أقوى ولا أهدى ولا أعقل من اللازم الإنسان مش آلة ولا عقل بس الإنسان مجموعة مشاعر متراكمة وجروح مستخبية وأفكار بتنزاح
فوق بعضها لحد ما يبقى مفيش مكان يتنفس فيه ومفيش قدرة يفهم بيها نفسه وهنا تبدأ المعركة الحقيقية معركة بين اللي جواك وبين اللي المفروض تكونه بين صورتك قدام الناس وصورتك قدام نفسك بين اللي محتاج تعبر عنه وبين اللي متعود تكتمه وكل ما تكتم كل ما المساحة تضيق وكل ما تضيق كل ما تبقى مش شايف الطريق اللي المفروض تمشيه لحد ما تيجي لحظة صدق لحظة
توقف فجأة وتكتشف إنك محتاج تاخد خطوة لورا مش هروب لكن ترتيب محتاج تسمع صوت نفسك من غير ما تقاطعه ولا تخوفه ولا تكسره محتاج تدي لنفسك فرصة تستوعب اللي مريت بيه اللي ابتلعته وانت ساكت واللي دفنته وانت بتضحك واللي تجاهلته وانت بتقول ماحصلش كل ده بيتراكم وكل تراكم ليه ثمن والثمن غالبا بيبان في انهيار صغير أو صرخة داخلية أو تعب من غير سبب
لكن الحقيقة إنه مفيش شيء من غير سبب السبب إنك ما سيبتش لنفسك مساحة تنضف وتستريح وتتنفس مساحة تعيد فيها ترتيب جواك وتفهم إنك مش مجبر ترضي الكل ولا تهدي الكل ولا تشيل الكل ولا تمشي صح طول الوقت الإنسان مش معمور للكمال الإنسان معمول للرحلة رحلة يطلع فيها وينزل يغلط ويتعلم يكسر ويتصلح يتوه ويرجع يتمزق ويتماسك مفيش حد ثابت ومفيش
حد كامل لكن في حد واعي بحدوده فاهم احتياجه قادر يدي لنفسه حقها قبل ما يدي لأي حد تاني لما تعمل المساحة دي جوا نفسك هتعرف تتعامل مع الدنيا من غير ما تنهزم من غير ما تصغر من غير ما تضيع هتحس إنك واقف على أرض ثابتة حتى لو حواليك الدنيا بتهتز لأنك أول مرة تحط نفسك في مكانها الصح وأول مرة تحط قلبك تحت نور الحقيقة بدل ما تسيبه في الضلمة
لوحده وفي مساحة النفس مش رفاهية ولا دلع ولا ضعف لكنها ضرورة إنقاذا من الغرق حماية من الانفجار ودعوة للحياة بصورتها اللي تستحق إنها تتعاش مش صورة مزيفة ولا دور مفروض ولا قوة كاذبة لكن حياة بتتنفس وبتحس وبتفهم وبتكبر يوم ورا يوم
