صرح الدكتور فرج عمران نائب رئيس مجلس ادارة النادي الاسماعيلي عبر صفحته الشخصية قائلا اللي تعرفه احسن من اللى متعرفوش
مش ده وقت الانتخابات والتجارب ونجيب ناس هتحتاج وقت عشان ترتب البيت وتفهم الملفات وتاخد خطوات والفريق بينهار ومش هيستحمل كل ده عوده المجلس المنتخب فى يد السيد/ محافظ الاسماعيليه والسيد/ وزير الشباب والرياضة يالا نتحد فالحق مره زى ما اتحدو فالباطل اكثر من مره
لو فيه افضل دلوقتى الوزير والمحافظ كانو عينوهم فلجنه النهارده قبل بكره،،، لكن للاسف كله بيهرب من المسئوليه دلوقتى لان اللى هيقبل هيتبهدل وهيتهان وبرغم كده احنا واثقين فربنا وفامكانياتنا واننا نقدر عالاقل نلحقه من الهبوط اكتر واكتر ويرجع للدورى الممتاز تانى
ميخافش على المال غير صحابه المخلصين،،، ويشهد ربنا اننى من اشد المخلصين للنادى الاسماعيلى
بلاش نبقى الدبه اللى قتلت صاحبها ونضيع وقت تانى ونخلص على اللى باقى من النادى الاسماعيلي العظيم
اقسم بالله كل كلمه بقولها لله وللصالح العام ويشهد الله انها خالصه لوجهه الكريم ٠
