منوعات
عارفه يامصر
حجم الخط:
لما أجيب سيرتك يامصر
ولا احاول اكتب فيكي كلمتين
شعر كانوا ولا نثر
ما عليا غير رص الحروف جنب بعضيها
صدقيني يامصر هي طالعه وحديها
بس اشوف ليكي فرحه
ولا دمعه نازله من عينيكي
بالاقي جوايا شئ يحرك قلبي
يشاور عليكي
عارفه يامصر رغم إني قليل كلام
ويااادوب على قدي العلام
بس بالاقي كلامي مني طالع
كإنه سيل عمال بيجري ف وشه قالع
م المعاني أجمل معاني
عارفه يامصر باستغرب لما الاقي
اللي اتربي فيكي و داق خيرك
لما زرعه طرح بااااعه لغيرك
عارفه يامصر..صعبانه عليا من عمايل عيالك
أمانه متزعليشي..هاتي حملك وقلبي يا غاليه شيالك
