في لحظة بتجمع كل اللي راح من عمر الانسان يحس انه واقف على حافة كبيرة مش شايف آخرها ولا عارف بدايتها بس حاسس ان الخطوة اللي قدامه مش شبه اي خطوة قبلها خطوة بتطلع من جوف العتمة اللي عاشها من وجع اتكرر من صبر اتنسج حوالين قلبه من ليالي كان فيها بيحارب الصمت وهو مش قادر يحكي ولا قادر ينهار وكان بيقول لنفسه ان النهار جاي حتى لو ما كانش شايف
منه غير خيط ضعيف الخطوة دي ما جاتش صدفة ولا جات من فراغ هي جايه من تاريخ طويل من الوجع اللي ما اتكلمش عنه ومن الخذلان اللي خباه جوا قلبه ومن الاعتياد على وجع الناس وخوفهم وغيابهم جايه من نظرات طلب فيها مساندة وما لقاهاش ومن اسماء سابته في عز احتياجه ومن طرق مشيها وهو مش لاقي فيها غير نفسه بس اللي محدش يعرفه ان جواه نار كانت بتتحرك ببطء
نار صغيره لكنها مش بتموت نار بتقول له امشي خطوة واحدة بس والباقي يجيلك خطوة واحدة بس يا انسان والبداية هتتغير خطوة واحدة وهتلاقى اللي كنت فاكره نهاية هو باب جديد بيفتح لك وانت مش واخد بالك ومع اول خطوة يخرج الانسان من العتمة يحس ان الهواء مختلف يحس ان قلبه بيحاول يتنفس بطريقة جديدة يحس انه شايل حمل كبير كان فاكره جزء من روحه
واكتشف انه مجرد حجر كان رابط روحه في مكان ما يستهلش وجوده يحس ان نظرته للدنيا اتبدلت من غير ما حد يعلمه حاجة ولا حد يمسك ايده وما يعرفش ليه فجأة يحس انه أقوى ايه اللي حصل ايه اللي اتغير ولا هو اللي اتغير ولا الدنيا اللي اتبدلت ولا الوجع اللي انكسر منه كان هو نفسه اللي علمه يعني ايه تقف على رجليك من تاني ويفهم مع الوقت ان كل اللي شافه كان ضروري كل
الوجع كان درس كل الخسارة كانت إعادة ترتيب كل البعد كان حماية وكل اللي سابه الطريق ما كانش ليه وكل اللي بقى جنبه دلوقتي هو اللي يستحق يكون موجود ولما يكمل الانسان خطواته بعد اول خطوة خارجة من قلب العتمة يعرف انه مش محتاج يثبت لحد انه قوي ولا محتاج الناس تصفق له ولا محتاج يقنع حد ان حياته صعبة ولا انه بطل صامت يكفي انه هو نفسه شايف الرحلة
شايف قد ايه اتغير وشايف ان الطريق اللي قدامه كبير لكن قلبه المكسور زمان بقى قادر يشيله يكتشف ان اول خطوة كانت أصعب خطوة وان كل خطوة بعدها جت اهدى واعقل واعمق وان الانسان اللي يخرج من العتمة مرة ما يخافش منها تاني وان القلب اللي اتلسع من الظلام ما يخافش يمشي في النور
