خطوة بلا رجوع

أوقات كتير الإنسان يفضل واقف في نقطة ما يعرفش هي بداية ولا نهاية ولا مجرد محطة عابرة والعجيب إن الوقوف نفسه بيستهلكك أكتر من الحركة لأنك بتبقى شايل كل الأسئلة وكل الخوف وكل التردد من غير ما تعمل فعل واحد ينقذك من الدوامة اللي انت فيها وتبدأ تسأل نفسك ليه كل الطرق بقت صعبة وليه كل خطوة بقت محتاجة شجاعة مضاعفة وليه أبسط قرار بقى محتاج

معركة جواك وتفتكر إنك ضعفت مع الوقت لكن اللي ما بتاخدش بالك منه إنك ما ضعفتش انت بس اتعلمت تحسب كل حاجة كويس زيادة عن اللزوم ودي حاجة بتتعب رغم إنها بتحمي ومع كل تفكير وكل محاولة تفهم الدنيا حواليك تدرك إن حياتك مش محتاجة ردود بقدر ما محتاجة حركة محتاجة خطوة حتى لو خطوة مش واثق فيها خطوة تطلعك برا الدائرة اللي حبست نفسك فيها خطوة

تمنعك ترجع لنفس الوجع تاني وتبتدي تمشي من غير ما تلف وراك وتقول لنفسك إن الماضي مش حكم على مستقبلك وإن التجارب مش سلاسل وإن الخوف مش باب مقفول وإن اللي خسرته مهما كان حجمه مش أكبر من اللي ممكن تكسبه لو قررت تتحرك

وتلاقي إن الطريق اللي كنت مستصعبه بيبدأ يتسع وإن الاشياء اللي كانت بتخوفك بتصغر وإن الأصوات اللي كانت بتعطلك بتبعد

وإن نفسك اللي كنت فاكرها ضعفت بتثبتلك إنها أقوى من كل اللي فات وتفهم إن الحياة عمرها ما كانت محتاجة شجاعة مطلقة كانت محتاجة قرار إنك تكمل حتى لو خايف وإنك تجرب حتى لو مش ضامن وإنك تفتح باب جديد حتى لو كل اللي فات قفلك ألف باب

تلاقي إن الخطوة اللي خفت تاخدها كانت هي الخطوة اللي بتغيرك الخطوة اللي بتسحبك لبداية جديدة الخطوة اللي ماينفعش ترجع بعدها لأنها ببساطة كانت أول خطوة ليك في اتجاه نفسك