خطوات لا يعرفها أحد
في كل انسان طريق محدش يعرف عنه حاجه طريق ممسوح من كتر ما حدش مشي عليه غير خطواتك انت طريق مليان محطات وقفت فيها لوحدك ومواقف عديت عليها من غير ما تقول لحد انك كنت مكسور فيها ومشاعر كتمتها علشان ما كنتش لاقي حد يفهمها ولا يحتملها وفي لحظات معينه قلبك اتشق نصين نص بيحاول يقاوم ونص تاني بيصرخ بس من غير صوت لانك اتعودت دايما
تكون القوي اللي ما يبانش عليه التعب ولا يظهر عليه الوجع ولا يشتكي علشان ما يزعلش حد وما يحملش حد همه حتى لو هم الدنيا كلها كان واقع على صدرك ساعات تمشي وتبان للناس عادي وتعامل كلامهم الطبيعي وكأنك ما فيكش حاجه بس الحقيقة انك كنت كل يوم بتسيب جزء من طاقتك في الطريق وجزء من صبرك في السهر وجزء منك بيتآكل من غير ما حد ياخد باله انك مبقتش
زي الاول مبقتش زي الشخص اللي كان يضحك من قلبه ويهزر من قلبه ويسامح من قلبه لان الدنيا خدت منك كتير اكتر مما قدرت تعوضه ومع ذلك لسه واقف ولسه ماشي ولسه بتحاول تكمل المشوار مع انك تعبت من كتر المحاولات وتعبت من كتر ما بتبدأ من الصفر وتعبت من الناس اللي فاكره انك ما بتتأثرش وانك ما بتتوجعش وانك قوي على طول ومش محتاج حد يسأل عليك ولا
حد يحس بيك لكن اللي ما يعرفهوش حد ان القوي مش دايما قوي القوي ساعات بيبقى محتاج حضن ومحتاج كلمه تهون ومحتاج حد يقوله انا جنبك ومحتاج حد يسمع اللي ما اتقالش ومحتاج حد يفهم من غير شرح لان الشرح بقى مرهق والوجع بقى اكبر من الكلمات ومع كل ده لسه مكمل لانك مؤمن ان اللي بيك كبير عند ربك ومؤمن ان الطريق اللي ما حدش فهمه هو الطريق اللي ربك
اختاره ليك ومؤمن ان اللي راح كان خير واللي جاي خير اكتر وان التعب ده مش نهايه التعب ده بدايه لقلب اقوى وروح احكم ونظره اوسع للحياه ومع كل يوم يعدي هتفهم ان اللي حصل ما كانش صدفة وان المحطات الصعبه كانت بتدربك وان الجروح كانت بتوعيك وان الناس اللي مشيت كانت بتفضي لك مكان لحد يستاهلك وانه مفيش خطوه مشيت فيها الا وكانت بتقربك من
حاجه مكتوبه ليك وهتحصل مهما اتأخرت ومهما اتعطلت لان نصيبك ما يتأخرش عليك الا علشان يجي في وقته وساعتها هتبص وراك وتشوف ان الطريق اللي كنت ماشي فيه لوحدك كان هو نفسه الطريق اللي هيطلعك لمكان ما كانش حد مصدق انك توصله ولو العالم كله ما فهمكش ربك كان شايفك وربك كان كاتب لك حاجه احسن من كل اللي راح
