منوعات
بهية
حجم الخط:
دموعها نازله نار بتكوي
ف اللى أخدوا من
عينيها كل غالي
كل ضىّ
نار تشعلل كل حىّ
م اللي خطفوا واللي نهبوا
حق الضنى
م اللي باعوا
حتي اللي جاىّ
دموعها نازله
عويل ينادي
ع اللي ينجد م الأعادي
ع الي ينجد من دم
أصبح
شكله عادي
إرهاب خسيس
فساد
والشريف
أهو راح فطيس
يابهيه
روحي ليكي
روحي تمسح كل دمعه
من عينيكي
كلمه وقالها
والحكايه كامله شالها
والهمه قامت
من قبورها
خلاص وفاقت
وأبتدينا
