اللحظة اللي بتعلمك تمشي لوحدك

في حياة كل إنسان لحظة معينة مش بيكون فيها حد جنبه لا صاحب ولا حبيب ولا حتى كلمة تطبطب على قلبه لحظة يلاقي نفسه فيها واقف قدام الدنيا من غير سند لحظة تجرده من كل اللي كان ماسك فيه وتسيبه وشه لوش الحياة كأنها بتختبر قوته بجد مش بالقوة اللي بيوريها للناس بالقوة اللي مستخبية في عمق القلب اللي ما حدش يعرف عنه حاجة اللحظة دي مش دايما بتكون لحظة

وجع ساعات تكون لحظة صحوة ساعات تكون لحظة إدراك ساعات تكون لحظة انهيار أنت كنت محتاجه علشان تبني من أول وجديد اللحظة دي اللي تخليك تعيد حساباتك في كل حاجة في علاقتك في حبك في خوفك في قراراتك حتى في نفسك اللي كنت فاكر إنك فاهمها من زمان وفي اللحظة دي بالذات تعرف قد إيه كنت متعلق بناس ما كنوش شايلينك ولا حتى شايفينك تعرف قد إيه

كنت مأجل سعادتك علشان حد مش مقدرك وتعرف كمان إنك تمسكت بوجع أكتر ما تمسكت براحتك وإنك وافقت على حاجات ما تشبهكش بس علشان متخسرش حد وفي الآخر خسرت نفسك

ولما توصل للحظة دي وتحس إن كل الأصوات اللي حواليك اختفت تلاقي صوت واحد بس بيعلى صوتك صوتك اللي كان ساكت طول السنين صوتك اللي كنت بتهرب منه صوتك اللي كان بيدلك على

طريق وانت مصر تمشي في غيره الصوت اللي يقولك كفاية قوم وابدأ كأنك بتتخلق من جديد وهنا تلاقي نفسك بتمشي لوحدك لأول مرة من غير خوف ومن غير تردد ومن غير ما تستنى حد يمسك إيدك وتكتشف إن الوحدة مش دايما وجع مرات الوحدة شفاء مرات الوحدة بداية مرات الوحدة طريق جديد طريق ما كانش هيتفتح غير لما تتساب وتقوم وتكمل بإيدك أنت وتتعلم إن

اللي مشي ما كانش ليك وإن اللي ما حفظش وجودك ما يستحقش قلبك وإن اللي وجعك ما يستحقش دمعة واحدة من عينك وإن اللي سبك كان درس مش خسارة وتفهم إن أصعب خطوات حياتك

هتكون دايما أول خطوة تمشيها لوحدك بس الغريب إنها هتكون الخطوة اللي هتوديك لأبعد مكان كنت بتحلم توصله تعرف إن اللحظة اللي بتعلمك تمشي لوحدك هي نفسها اللحظة اللي بتعلمك

إنك عمرك ما كنت محتاج حد قد ما كنت محتاج نفسك