دينا : ابعدوا عن ابني علشان أنا زي القطط اللي بتهبش الناس
فاجأت الراقصة دينا، جمهورها بإعربها عن غضبها من الأخبار المتدوله بشأن إصابة نجلها بفيروس كورونا، خلال الأيام الماضية، مشيرة إلى أنه يتمتع بصحة جيدة.
وقالت دينا خلال لقاء في برنامج عرب وود: الله يهدهم اللي كتبوا خبر إصابة ابني بفيروس كورونا، هو كويس جدًا مفيهوش حاجة، كل دي إشاعات أنا أتحملها.
وعن دخول نجلها مجال الفن، قالت دينا: هو لا قرر يكون في الفن ولا له علاقة بالفن غير إني أنا مامته فابعدوا عنه خالص، علشان أنا عامله زي القطط اللي بتهبش الناس لو الموضوع لمس ابني بالذات.
من ناحية آخرى هاجمت دينا مطرب المهرجانات عمر كمال، بعدما صرح مؤخرًا باستغنائه عن الراقصات في أعماله المقبلة.
وقالت دينا في برنامج عرب وود: أنا مش فاهمة أساسًا هو عايز إيه، عايز يتقرب من الناس؟، الناس بتكشف الكذاب وهو كذاب.
وتابعت دينا: بعد ما تعمل اسمك من وجود رقاصة جنبك جاي دلوقتي تتنصل من الموضوع طب ما تقعد في البيت، أنت في الفرح كل الناس بترقص حواليك زعلان أوي من الرقص، مليون واحدة بترقص حواليك في الفرح أنا ما بحبش النفاق والكذب.
