معتز عبد الفتاح ٠٠ مهرجان الجونة لعرض الأزياء وليست عرض الأفلام
خلال تقديمه برنامج «تحت الشمس»، عبر قناة «الشمس». وجه الدكتور : معتز عبد الفتاح، رسالة للقائمين على مهرجان الجونة السينمائي، بالتزامن مع إقامة الدورة الخامسة منه في الفترة من 14 - 22 أكتوبر الجاري.
وقال عبد الفتاح، «مهرجان الجونة مهرجان سينمائي للأفلام، أنا ملقتش حد بيتكلم عن فيلم واحد في المهرجان على مواقع التواصل الاجتماعي، كله بيتكلم عن فساتين النجمات بس، 90% عن فساتين الستات، و10% عن ملابس الرجالة».
وأضاف: «مهرجان الجونة مش حفل أزياء، أنا بقول القائمين على المهرجان إن التغطية الإعلامية الخارجة من المهرجان لازم يكون تركيزها على الغرض الأصلي من المهرجان، خلونا نتكلم شوية عن الأفلام والقصص والتصوير والإخراج والموسيقى، ياريت نتكلم عما هو أهم في التغطية الخارجة من المهرجان».
وتابع: «لو إحنا عايزين نقلد الغرب فيما يفعل فهما سابقنا بمراحل، والكواليتي أعلى، خلونا نتميز بالأفلام والأداء والفن المحترم، إنما لو الموضوع على المظاهر واللبس فهما سابقنا، علينا أن نتجاوز ما وراء الفساتين».
واختتم: «الفساتين المفروض تكون على هامش المهرجان مش تاخد 90% من الحديث عن المهرجان، لو مهرجان سينما يبقى مهرجان سينما، لو عرض أزياء سموه عرض أزياء».
