خاص| ضحايا «بي آي تي» يستغيثون: «المنصة قفلت وشقانا راح»

في واقعة نصب جديدة، استغاث عدد من المواطنين من منصة «بي آي تي ديجتالز»، التي أودعوا فيها أموالهم أملا في تحقيق أرباح سريعة، ولكنهم فوجئوا بإغلاق المنصة واختفاء القائمين عليها، مكتنزين معهم ملايين الجنيهات من أموال المواطنين.

ووفقاً لشهادات المتضررين، فقد بدأت المنصة في الترويج لنفسها على مواقع التواصل الاجتماعي، وزعمت أنها تقوم بتشغيل أموال المواطنين في العديد من الأعمال، وتقدم لهم أرباحا ضخمة نظير إداع أموالهم لديها، واصلت «الخبر الفوري» مع عدد من المتضررين، الذين أكدوا أنهم فقدوا أموالهم بالكامل، وأنهم يطالبون بسرعة ضبط القائمين على المنصة الوهمية، لاسترداد أموالهم المنهوبة.

شهادات المتضررين من منصة «بي آي تي ديجتالز»

تروي نهي محمود، إحدى متضررات «بي آي تي ديجتالز»، تجربتها مع المنصة الوهمية قائلة إنها اشتركت في برنامج Bit بعدد 4 مرات،لافتة إلى أن إجمالي التحويل الذي أرستله للمنصة بلغ 3900 جنيه.

وعن طريقة التواصل مع المنصة أوضحت في حديثها لـ«الخبر الفوري»، أن المشاركين كانوا يتلقون الرسايل على مجموعة عبر «الواتساب» باسم bit، معلقة: «البرنامج طلع نصب».

وعن تجربته مع المنصة الوهمية، قال بيشوي عادل أديب، من متضرري«بي آي تي ديجيتالز» في تصريحه لـ«الخبر الفوري»: «أنا أبتديت بشراء ماكينة سعرها 800 جنيه، ونزلي منها حوالي 500 جنيه، وآخر لاسبوع دخلت بماكينة قيمته 20 ألف جنيه، حصلت منها على 700 جنيه إجمالي فلوسي اللي أخدتها حوالي 3 آلاف جنيه».

عبد الرحمن ناصر: أوقفوا حسابي وكل شيء

ومن ناحيته، قال عبدالرحمن ناصر محمد، أحد متضرري «بي آي تي ديجيتالز»، لقد كانت معرفتى بالبرنامج عن طريق أحد أصدقائي، واشتركت فيه واستأجرت ماكينة الـ800 جنيه، ولم آخذ منها غير 515 جنيها فقط.

وأضاف في تصريحاته لـ«الخبر الفوري»، ثم اشتريت ماكينة المنصة بسعر 4 آلاف جنيه، ورجع الفلوس على البرنامج ولكنهم أوقفوا حسابي وأوقفوا كل شيء.

وبدأ عبدالرحمن هشام علي، من متضرري المنصة، حديثه لـ«الخبر الفوري»، قائلًا: «نصبوا علي في 4600 جنيه»، مضيفا: «في الأول أنا اشتريت مكنة اللي هي بـ2000 جنيه قلت أجرب طلع تمام وفعلا بينزل الأرباح ليندا ، من القائمات على المنصة، دي كانت كل شوية تبعت لي عشان أرباحك تزيد والكلام ده يشتري مثلا وبعدها برده بكام يوم قالت لي اشتري مكنة كمان اشتريت واحدة بـ800».

وتابع: «بعدها بأسبوع طبعا نزل المكنة اللي هو الجديد اللي هو الـ 8ساعات ده قالت لي عرض ما يتفوتش دخلت برده اشتري واحده بـ1800 وزي ما حضراتكم شايفين كله طلع نصب في نصب كل شويه تقول لي ايه ده وأصدقائك وأفراد العيلة بس أنا طبعا يعني الحمد لله ما دخلتش ولا حد من زمايلي في الحوار ده».

محمد إبراهيم: «اتنصب علي في 25 ألف جنيه»

«مشكلتي إن جالي مسدج من رقم غريب اللي هو رقم ليندا دي وعرضت عليا شغل وأنت قاعد في البيت و قلتلها تمام بعتتلي لينك وتسجيلات كدة أسجل في كده وبعدين قالتلي بتحط فلوس وبنديهالك ضعفها»، يقول محمد أنور إبراهيم، أحد متضرري منصة «بي آي تي».

أوضاف في تصريحاته لـ«الخبر الفوري»: «وبعدين كملت معاها بتاع نص شهر كدة مرة واحدة لقيت إن موقع الشغل بتعها ده و والبرنامج اتقفل وهي اختفت فعرفت إن أنا اتنصب عليا في 25 ألف جنيه اديتني منهم 2000 جنيه بس».