مصطفى عريس الغفلة خد الشبكة والتورتة وهرب
تنتظر كل فتاة ليلة فرحها بفارغ الصبر لتفرح وتفرح أسرتها ولكن فرحتها لم تكتمل إلا بوجود الشاب الذى أحبته فما فعله مصطفى بنهال كان أصعب إحساس بالنسبة لها.
قام العريس ويدعى مصطفى بترك خطيبته يوم الخطوبة بالقاعة فقررت العروسة و تدعى نهال أن تتخلى عن صمتها وبكل جراءة تحكى قصتها على السوشيال ميديا وتحكى كيف تخلى عنها خطيبها فى ليلة مثل هذه.
قالت نهال : كانت خطوبتى يوم السبت ومصطفي قارى فتحتى من فترة وكل الناس عارفة اللي ولكن إحنا كان بيننا مشاكل مع والدته وكمان بتحصل خلافات أول ما أطلب أى حاجة منه وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي يوم الخطوبة
أضافت العروسة أنا اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش ولا واحدة فيهم جت باركتلي وقولت أمشي اليوم عادى مش مشكله.
تابعت نهال كنت كل ما أقوله فين الشبكه اللي هنلبسها كان بيتهرب ويقول أى سبب ويقوللي أصل اتكب عليها شربات أصل وقع جاتوه عليها طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا وقال إيه خالوا تعب فجأة فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل .
وقالت العروسة المصدومة والأصعب من ذلك إننا اكتشفنا إنهم أخدوا التورتة معاهم طب مش خالك عيان أخدتوا التورتة معاكم ملبستنيش شبكة وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا ويخدعنى معقولة كل ده يطلع من خطيبى اللى عمره مابان عليه كدة أبدآ.
وذكرت نهال فى ختام منشورها موجهة كلمة للعريس الهارب مصطفى كان ممكن ننهى الخطوبة عادى بالمعروف من غير أذى كان ممكن تسترجل وتيجي تقولي يلا نفركش مش جي وبترقص وتقولي محضرلك مفاجأة وفي نيتك تعمل فيا كدا حسبي الله ونعم الوكيل فيك.
